Бишкек, 09.06.23. /Кабар/. Эртең, 10-июнда Ош облусунун аймагында жалпы ишембилик өтөт. Бул тууралуу президенттин аталган облустагы өкүлчүлүгүнөн билдиришти.
Маалыматка ылайык, ишембиликтин алкагында облус аймагындагы бардык мекеме-ишканалар, ички-сырткы көчөлөр жана имараттар тазаланып, жашылдандыруу жумуштарына өзгөчө көңүл бурулат.
Ишембилик экологияны жакшыртуу, туристтик сезонго карата даярдык көрүү максатында өткөрүлүүдө.
Өкүлчүлүк облустун тургундарын ишембиликке чыгууга чакырат.
Пикир
Оставить комментарий