Бишкек, 11.04.24. /Кабар/. Кыргызстандын аймагында бүгүн күн ачык болот. Синоптиктердин маалыматына караганда, батыштан соккон шамалдын ылдамдыгы секундасына 4-9 метрге жетет.
Абанын температурасы Чүй облусунда күндүз 19…24, Таласта 16…21, Ысык-Көл облусунда 13…18 жана Нарында 15…20 градуска чейин ысык болот.
Ал эми Ош, Жалал-Абад облустарында күндүзгү абанын табы 21…26 градуска чейин, Баткенде 19…24 градуска чейин жылыйт.
Бишкекте жаан-чачын күтүлбөйт, термометрдин көрсөткүчү күндүз 21…23 градус болот.
Пикир
Оставить комментарий