Бишкек, 12.12.23./Кабар/. Кыргызгидромет борбору 12-декабрга карата өлкө аймагында күтүлгөн аба ырайы тууралуу маалымат таратты.
Ага ылайык, бүгүн Чүй, Ош, Жалал-Абад, Ысык-Көл, Нарын облустарынын көпчүлүк аймактарында, Талас, Баткен облустарынын айрым жерлеринде кар жаашы күтүлөт. Ош, Жалал-Абад облустарынын айрым жерлеринде жаан-чачын катуу жаайт.
Жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Абанын температурасы Чүй, Талас облустарында -10...-15 градус, Ош, Жалал-Абад, Баткен облустарында 0...-5, Ысык-Көл облусунда -2...-7, Нарын облусунда -3...-8 градус суук болот.
Бишкек шаарында абанын температурасы -11...-13 градуска чейин төмөндөшү күтүлөт.
Пикир
Оставить комментарий