Бишкек, 13.05.19. /Кабар/. Бүгүн, 13-майда Ош, Жалал-Абад, Ысык-Көл, Нарын облустарынын көпчүлүк аймактарында, Чүй, Талас, Баткен облустарынын тоолуу райондорунда жамгыр жаап, күн күркүрөшү мүмкүн. Кыргызгидромет борбору билдиргендей, бийик тоолуу аймактарга кар түшөт.
Батыштан соккон шамалдын ылдамдыгы секундасына 4-9, Чүй, Ысык-Көл, Нарын облустарынын кээ бир райондорунда 15-20 метрге жетет.
Абанын температурасы Чүй облусунда күндүз 22...27 градус, Талас облусунда күндүз 21...26 градус болот.
Ысык-Көл облусунда күндүз 16...21, Нарында күндүз 17...22 градус.
Ал эми Ош, Жалал-Абад облустарында күндүз 25...30 градуска чейин ысык болот. Баткенде күндүзгү абанын температурасы 27...32 градуска чейин жетет.
Бүгүн Бишкек шаарында күн ачык болот, абанын температурасы күндүз 24...26 градуска чейин жетет.
Пикир
Оставить комментарий