Бишкек, 12.09.19. /Кабар/. Кыргызгидромет борбору 12-сентябрга чейин өлкө аймагында күтүлгөн аба ырайы тууралуу болжолдуу маалымат таратты.
Ага ылайык, эртең, 13-сентябрда Кыргызстандын аймагында түнкүсүн жаан-чачын күтүлбөйт. Күндүз Ысык-Көл, Нарын облустарынын кээ бир райондорунда жаан-чачын жаашы мүмкүн, калган аймактарда жаан-чачын күтүлбөйт. Шамалдын багыты өзгөрүлүп турат, секундасына ылдамдыгы 1-6 метрге жетет.
14-сентябрда түнкүсүн жаан-чачын күтүлбөйт, күндүз кээ бир райондордо жаан жаашы, тоолуу райондордо кар жаашы күтүлөт.
15-16-сентябрь күндөрү көпчүлүк аймактарда мезгил-мезгили менен жаан жаап, тоолуу райондордо кар жаашы күтүлөт. Кээ бир райондордо жаан-чачын катуу жаашы кутүлөт.
17-сентябрда болсо түнкүсүн Ысык-Көл, Нарын облустарынын кээ бир райондорунда жаан жаап, тоолуу райондордо кар жаашы күтүлөт, калган аймактарда жаан-чачын күтүлбөйт. 17-сентябрда күндүз тоо этектеринде жаан жаап, тоолуу райондордо кар жаашы күтүлөт, өрөөндөрүндө жаан-чачын күтүлбөйт.
Батыштан соккон шамалдын ылдамдыгы секундасына 4-9 метрден, 14-17-сентябрларда кээ бир райондордо 15-20 метрге жетиши күтүлөт.
18-сентябрда түнкүсүн тоо этектеринде жаан жаап, тоолуу райондордо кар жаашы күтүлөт, өрөөндөрүндө жаан-чачын күтүлбөйт. 18-сентябрда күндүз жана 19-сентябрда тоолуу райондордо кар жаашы күтүлөт, дыйканчылык аймактарда жаан-чачын күтүлбөйт. Абанын күндүзгү температурасы жогорулайт.
Пикир
Оставить комментарий