Бишкек, 11.04.18 /Кабар/. 2018-жылдагы ажылык сапарына баруучу жарандардан төлөмдөрдү кабыл алуу 13-апрелде аяктайт. Бул тууралуу муфтияттан билдиришти.
Маалымдалгандай, 2018-жылдагы ажылык сапарына барууну максат кылып, аймактык кезекке туруу үчүн 500 АКШ долларын жана 1000 сом төлөп, документтерин талапка ылайык толук тапшырып, электрондук тизмеге катталып, ажылык сапарына барууга мүмкүнчүлүк алган талапкерлер калькулацияда көрсөтүлгөн 2890 АКШ долларынан калган 2390 АКШ долларын 2018-жылдын 13-апрель күнү РСК банкынын иш убактысы бүткөнчө төлөөлөрү зарыл.
Эгерде жарандар ажылык үчүн бардык төлөмдөрдү көрсөтүлгөн мөөнөттөн кечиктирген учурда тизмеден четтетилет.
Пикир
Оставить комментарий