Бишкек, 01.02.20. /Кабар/. 2019-жылы Кыргызстанда жаштарга арналган бир миңден ашык иш-чара өткөрүлдү. Бул тууралуу Жаштар иштери, дене тарбия жана спорт мамлекеттик агенттигинен кабарлашты.
Маалыматка ылайык, мамагенттиги жаштар уюмдары жана эл аралык өнөктөштөр менен бирге бир миңден ашык жаштарга арналган иш-чара өткөргөн.
"2019-жылы аймактарда 1815 спорттук иш-чара уюштурулган. Ага жалпысынан 69,9 миллион сом сарпталган", - деп айтылат маалыматта.
Аймактардагы өткөрүлгөн иш-чараларга мамагенттиктин бюджетинен 22,3 миллион сом, демөөрчүлөрдөн 35,6 миллион сом, жергиликтүү өзүн-өзү башкаруу органдарынан 11,9 миллион сом бөлүнгөн.
Аталган иш-чараларга 180 миңден ашык адам катышкан.
Пикир
Оставить комментарий