2023-жылдын 11 айында ЕАЭБде өнөр жай өндүрүшү 3,8%га өстү

Бишкек, 17.01.24. /Кабар/. 2023-жылдын 11 айында Евразия экономикалык биримдигинде өнөр жай өндүрүшү 3,8 пайызга өстү.

Евразия экономикалык комиссиясынан билдиришкендей, 2023-жылдын январь-ноябрь айларында Евразия экономикалык биримдигинде өнөр жай өндүрүшүнүн көлөмү 2022-жылдын январь-ноябрь айларындагы деңгээлге салыштырмалуу 103,8 %ды түздү.

Өнөр жай өндүрүшү Беларуста – 7,9 %га, Казакстанда – 4,3 %га, Россияда – 3,6 %га, Арменияда – 2,1 %га, Кыргызстанда 1,8 %га өскөнү байкалды.