Бишкек, 16.02.23. /Кабар/. Экономика жана коммерция министри Данияр Амангелдиев бүгүн 2022-жылдын жыйынтыгы жана 2023-жылга карата пландар боюнча ведомстволор аралык коллегиянын жыйынында үстүбүздөгү жылга карата пландарды айтып берди.
"Өнүгүүнүн башкы көрсөткүчу - экономиканы 5%дан кем эмес өсүүсү же ички дүң продукциянын көлөмүн 1 трлн сомдон ашыруу. Бул багытта реалдуу секторду бекемдөө, өндүрүштүк, экспорттук жана инвестициялык мүмкүнчүлүктөр үчүн шарттарды түзүү боюнча чаралар кабыл алынат. Ошол эле учурда импортко көз карандылыкты азайтуу аракеттери көрүлөт", - деди министр.
Министрдин айтымында, бул планды ишке ашыруу үчүн жалпы өнүктүрүү фондунан каражат тартылып, конкреттүү инвестициялык долбоорлор ишке ашырылат.
"Мындан тышкары, "Бир айыл - бир продукт" улуттук долбоорун аймактарга жайылтуу үчүн концепциясы жана жол картасы иштелип чыгат", - деди Амангелдиев.
Пикир
Оставить комментарий