Бишкек, 02.12.22. /Кабар/. Министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин башчысы Нуртазин Жетыбаев Дүйнөлүк банктын Европа жана Борбордук Азия өлкөлөрү боюнча суу чарба маселелери боюнча глобалдык практиканын менеджери Уинстон Ю менен жумушчу жолугушуу өткөрдү. Бул тууралуу аталган агенттиктен билдиришти.
Мамкурулуштун директору Кыргызстан кызматташууга жана ичүүчү суу менен камсыздоо долбоорлорун ишке ашырууда жаңы рельстерге өтүүгө даяр экендигин билдирген.
Өз кезегинде Уинстон Ю Мамкурулуштун жетекчилигине иштеп жаткан долбоорлорду ишке ашыруунун жүрүшүндө түзүлгөн маселелерди чечүүгө өз убагында ыкчам жооп бергендиги үчүн ыраазычылык билдирди.
Иш-чаранын аягында тараптар биргелешкен долбоорлорду ишке ашырууда мындан аркы кызматташуу боюнча пикир алмашышты. Ошондой эле тараптар келерки жылы эл аралык финансы институттарынын катышуусу менен суу форумун уюштурууну макулдашышты.
Пикир
Оставить комментарий