2023-жылы Кыргызстанда 25 миллионго жакын мал эмдөөдөн өттү

Бишкек, 19.01.24. /Кабар/. 2023-жылдын 12 айында республика боюнча 24 млн 762,9 миң баш малга эмдөө жүргүзүлдү. Бул тууралуу КР Ветеринардык кызматынан билдиришти.

Маалыматка ылайык, анын ичинен диагностикалык изилдөөлөр 1 млн 209,6 миң башка, алдын ала эмдөөлөр 22 млн 955,4 миң башка, дегельминтизация 597,9 миң башка, же болбосо 2023-жылга бекитилген план боюнча 100% аткарылды.

Белгилей кетсек, 2023-жылдын 12 айында республиканын аймагында 86 жугуштуу ыландын очогу катталган, алар: кутурма ыланы – 36, ИММ сибирь жарасы – 2, пастереллезу – 2, бруцеллезу – 2, жылкылардын пастереллезу – 1, кээңги ылаңы – 14, кой-эчкилердин сальмонеллезу – 1, брадзоту – 7, листериозу – 4, пастереллезу – 10, бруцеллезу – 4, хламидиоз – 1, энтеротоксемия - 2.

Жогоруда көрсөтүлгөн пункттарга карантин, чектөөлөр коюлуп, инструкцияга ылайык ветеринардык-санитардык иш чаралар жүргүзүлдү.