Бишкек, 17.07.19. /Кабар/. Кыргызгидромет борбору жакынкы күндөргө карата күтүлгөн аба ырайы тууралуу маалымат таратты.
Ага ылайык, 18-22-июль күндөрү Ысык-Көл, Нарын облустарынын кээ бир райондорунда, Чүй, Ош, Жалал-Абад облустарынын тоолуу райондорунда өткүн өтүп, күн күркүрөшү күтүлөт, калган аймактарда жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге чейин жетет.
21-22 июль күндөрү батыштан соккон шамалдын ылдамдыгы секундасына 4-9 метрге жетиши мүмкүн.
23-24-июль күндөрү Кыргызстандын аймагында жаан-чачын күтүлбөйт. Абанын температурасы өзгөрүлүп турат.
Бишкек жана Ош шаарларында - 18-20-июль аралыгында жаан-чачын күтүлбөйт. Түштүк-чыгыштан соккон шамалдын ылдамдыгы секундасына 5-10 метрге жетет.
Чолпон-Ата шаарында эртең, 18-июлда түнкүсүн жаан-чачын күтүлбөйт, күндүз өткүн өтүп, күн күркүрөшү мүмкүн.
19-20-июль күндөрү түнкүсүн жаан-чачын күтүлбөйт.
20-июлда күндүз өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрге жетет.
Пикир
Оставить комментарий