• 87.96
  • 95.21
  • 0.97

23-майга карата өлкө аймагында күтүлгөн аба ырайы тууралуу маалымат

Коом 0

Бишкек, 22.05.18. /Кабар/. Эртең, 23-майда Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын тоо этектеринде жана тоолуу райондорунда жаан жаап, күн күркүрөйт, бийик тоолуу райондордо кар жаайт. Күндүз мезгил-мезгили менен жаан жаап, күн күркүрөйт, бийик тоолуу райондордо кар жаайт. Ош, Жалал-Абад, Баткен облустарында жаан-чачын көп болот.

Батыштан соккон шамалдын ылдамдыгы секундасына 4-9 метрден, күндүз Чүй, Талас, Ысык-Көл Нарын облустарында 17-22 метрге жетиши күтүлөт.

Абанын температурасы:

Чүй облусунда түнкүсүн 7...12, күндүз 21...26,

Талас облусунда түнкүсүн 7...12, күндүз 21...26,

Ош, Жалал-Абад жана Баткен облустарында түнкүсүн 9...14, күндүз 20...25,

Ысык-Көл облусунда түнкүсүн 4...9, күндүз 15...20,

Нарын облусунда түнкүсүн 4...9, күндүз 15...20.

Эртең Бишкек шаарында өткүн өтүп, күн күркүрөшү күтүлөт. Абанын температурасы түнкүсүн 10...12, күндүз 24...26 градус ысык болот.

Пикир

Оставить комментарий