27-сентябрга карата өлкө аймагында күтүлгөн аба ырайы тууралуу маалымат

Бишкек, 26.09.18. /Кабар/. Эртең Кыргызстандын аймагында түнкүсүн жаан-чачын жаабайт. Күндүз Чүй, Талас, Ош, Жалал-Абад, Баткен облустарынын тоо этектеринде жана тоолуу райондорунда жамгыр жаап, бийик тоолуу райондорго кар түшүшү мүмкүн. Батыштан соккон шамалдын ылдамдыгы секундасына 4-9 метрге жетет.

Абанын температурасы:

Чүй облусунда түнкүсүн 6...11, күндүз 19...24,

Талас облусунда түнкүсүн 2...7, күндүз 19...24,

Баткен, Ош, Жалал-Абад облустарында түнкүсүн 8...13, күндүз 23...28,

Ысык-Көл облусунда түнкүсүн 2...7, күндүз 17...22,

Нарын облусунда түнкүсүн 1...6, күндуз 17...22,

Эртең Бишкекте түнкүсүн жаан-чачын болбойт, күндүз жамгыр жаап күн күркүрөшү мүмкүн. Абанын температурасы түнкүсүн 9…11, күндүз 20…22 градус болот.