28-декабрда Салык кызматынын лотереясынын дагы 234 жеңүүчүсү аныкталат

Бишкек, 28.12.23. /Кабар/. Бүгүн, 28-декабрда – «Чек талап кылып, байге утуп ал!» кызыктыруучу лотереясынын байгелерин ойнотуунун төртүнчү күнү.

Ведомстводон билдиришкендей, түз эфирдин жүрүшүндө 234 байге ойнотулат: 100 iPhone14, 100 смартфон, 30 ноутбук жана 4 Dyson фени.

Утуштар Салык кызматынын Facebook жана YouTube баракчаларынан түз эфирде көрсөтүлөт. Башталышы саат: 13.00.

Эскерте кетсек, 25, 26 жана 27-декабрда 751 байге ойнотулду. Утуштар 29-декабрга чейин созулуп, күн сайын 234 байгеден ойнотулат.

Негизги иш-чара 30-декабрда өткөрүлүп, 10 батир, 11 электромобиль жана чет өлкөгө 4 жолдомо ойнотулат. Утуштар саат 15:00дө УТРК, Ала-Тоо 24 каналдарында, ошондой эле Салык кызматынын Facebook жана Youtube баракчаларында түз эфирде көрсөтүлөт.

Утуштарды бул жерден көрсө болот:

Facebook https://www.facebook.com/salykKG

YouTube https://www.youtube.com/@salyk_kg