Бишкек, 03.01.19. /Кабар/. Эртең, 4-январда Кыргызстандын айрым аймактарында кар жаашы мүмкүн, - деп билдирет Кыргызгидромет борбору. Чүй, Талас, Ош, Жалал-Абад, Баткен облустарынын кээ бир райондорун туман каптайт. Жолдор тоңголок жана тайгак болот. Батыштан соккон шамалдын ылдамдыгы секундасына 2-7 метрге жетет.
Абанын температурасы:
Чүй облусунда түнкүсүн -2…-7, күндүз 1…6;
Талас облусунда түнкүсүн -3…-8, күндүз 1…6;
Баткен облусунда түнкүсүн 0…-5, күндүз 3…8;
Ош, Жалал-Абад облустарында түнкүсүн -1…-3, күндүз 6…8;
Ысык-Көл облусундатүнкүсүн -3…-8, күндүз 1…6;
Нарын облусунда түнкүсүн -17…-22, күндүз -8…-13;
Бишкек шаарында эртең кар жаабайт. Абанын температурасы түнкүсүн -3…-5, күндүз 3…5 градус болот.
Пикир
Оставить комментарий