Бишкек, 24.09.18. /Кабар/. Билим берүү уюмдарынын жетекчилери 65 жашка чыкканда алар менен түзүлгөн келишимдер токтотулат. Бул тууралуу “Кыргыз Республикасынын Эмгек кодексине” өзгөртүүлөр сунушталууда. Мындай маалыматтар Социалдык маселелер, билим берүү, илим, маданият жана саламаттык сактоо боюнча комитетинин бүгүнкү, 24 – сентябрдагы олтурумунда тааныштырылды. Негизги баяндамачы - Кыргыз Республикасынын Билим берүү жана илим министринин орун басары Надира Жусупбекова болду.
Талкууда депутаттар А. Касымалиева менен А.Самигуллина мыйзам долбоорунда жаш куракка карата басмырлоо болбошу керектигин айтышса, депутат А.Токторов болсо демилгени бир тараптуу карай бербөөгө чакырды.
Пикир
Оставить комментарий