8-июнга карата өлкө аймагында күтүлгөн аба ырайы тууралуу маалымат

Бишкек, 07.06.18. /Кабар/. Эртең, 8-июнда өлкө аймагында күндүз мезгил-мезгили менен өткүн өтүп, күн күркүрөйт,-деп билдирет Кыргызгидромет борбору.

Маалыматка ылайык, түштүк-чыгыш тараптан соккон шамалдын ылдамдыгы секундасына 4-9 метрге жетет.

Абанын температурасы:

Чүй облусунда түнкүсүн 13...18, күндүз 27...32;

Талас облусунда түнкүсүн 11...16, күндүз 27...32;

Баткен, Ош, Жалал-Абад облустарында түнкүсүн 13...18, күндүз 27...32;

Ысык-Көл облусунда түнкүсүн 10...15, күндүз 19...24;

Нарын облусунда түнкүсүн 8...13, күндүз 19...24;

​Бишкекте жаан-чачын күтүлбөйт. Абанын температурасы түнкүсүн 16…18, күндүзү 29…31.