Бишкек, 06.09.19. /Кабар/. Өлкө президентинин “Комуз күнүн” белгилөө жөнүндөгү жарлыгын ишке ашыруу максатында Маданият, маалымат жана туризм министрлиги тарабынан өлкөдө 8-9-сентябрь күндөрү бир катар иш-чаралар өтөт. Бул тууралуу аталган министрликтен кабарлашты.
“Комуз күнү” төмөнкү жерлерде белгиленет:
- 8-сентябрь күнү саат 10:00дө Ысык-Көл облусунун Корумду айылындагы Карамолдо Орозовдун айкелинин алдында салтанаттуу иш-чара;
- 9-сентябрь күнү саат 10:00дө К. Молдобасанов атындагы Кыргыз Улуттук консерваториясында “Кыргыз комузу жана комузчулук өнөрү” аттуу илимий практикалык конференция;
- 9-сентябрь күнү саат 12:30да Бишкек шаарындагы Токтогул Сатылгановдун айкелинин алдындагы эскерүү иш-чарасы;
- 9-сентябрь күнү 16:30да Т. Сатылганов атындагы Кыргыз Улуттук филармониясында “Комуз-улуттук сыймык” аттуу залкар комузчулардын көргөзмөсү;
- 9-сентябрь күнү 18:00дө Т. Сатылганов атындагы Кыргыз улуттук филармониясынын чоң залында “Таңшы комуз” аттуу гала концерт;
- 9-сентябрь күнү аймактарда республиканын баардык региондорунда “Комуз күнүнө” карата атайын иш-чаралар;
Ошондой эле, республика боюнча аймактарда жана коомдук жайларда, мекеме иш-каналарда комуз күүлөрү жаңырып, атайын иш-чаралар өткөрүлөт.
Пикир
Оставить комментарий