Бишкек, 17-май /Кабар/. Кыргыз Республикасынын Президенти Алмазбек Атамбаев бүгүн, 17-майда өлкөнүн Улуттук коопсуздук мамлекеттик комитетинин төрагасы Абдил Сегизбаевди кабыл алды. Бул тууралуу Президенттин Аппаратынын маалыматтык саясат бөлүмү билдирди.
Жолугушууда Мамлекет башчысына өлкөдөгү оперативдик абал жана улуттук коопсуздукту камсыз кылуу боюнча көрүлүп жаткан чаралар тууралу маалымат берилди.
Абдил Сегизбаев терроризм жана диний экстремизм менен күрөшүүнү өркүндөтүү чаралары жана террордук багыттагы кылмыштарды алдын алуу иштерин күчөтүү тууралу Президентке айтып берди.
Пикир
Оставить комментарий