Абитуриенттер үчүн кесиптик багыт берүүчү берүүлөрдү трансляциялоо башталды

Бишкек, 16.07.21. /Кабар/. Үстүбүздөгү жылдын 15-июлунан тартып абитуриенттер үчүн өлкөнүн башкы каналы – КТРКда кесиптик багыт берүүчү берүүлөрдү трансляциялоо башталды. Бул тууралуу Билим берүү жана илим министрлигинин басма сөз кызматы билдирет.

Маалыматка ылайык, Азия өнүктүрүү банкынын колдоосу менен КР Билим берүү жана илим министрлиги тарабынан “Секторду өнүктүрүү программасы: Инклюзивдүү өсүү үчүн көндүмдөр” долбоорунун алкагында перспективалуу адистикти кантип тандоо керек экендиги тууралуу айтып берүүчү 10 кесиптик багыт берүүчү берүү даярдалган.

Ар бир берүү эмгек рыногунда суроо-талапка ээ болгон адистиктер боюнча окутуучу алдыңкы областтык колледжге арналган. Көрүүчүлөр эмне үчүн ушул адистик областтык эмгек рыногунда талап болгондугун, келечекте кайда жана ким болуш иштөөгө болоорун, эмне үчүн бул адистиктер перспективалуу экендигин билишет.

Берүүлөрдүн биринде жалпысынан бүгүнкү күндө орто кесиптик билим берүү секторунда эмнелер болуп жаткандыгы тууралуу, өлкөнүн колледждерин кандай реформалар күтүп жаткандыгы жөнүндө айтылат.

Ошондой эле көрүүчүлөр Кыргыз Республикасынын 8 алдыңкы колледжинде жаңы окуу жылынан баштап ээ болуу мүмкүн болгон IT-технологиялар чөйрөсүндөгү жаңы адистик жөнүндө маалымат ала алышат:

1. Бишкек архитектура жана курулуш менеджменти колледжи, Бишкек ш.;

2. ЖАМУнун Жалал-Абад колледжи, Жалал-Абад ш.;

3. Т.Кулатов атындагы Кызыл-Кыя тоо-техникалык инновациялар жана экономика колледжи, Кызыл-Кыя ш.;

4. К.Скрябин атындагы КУАУнун Токмок агроэкономикалык колледжи, Токмок ш.;

5. С.Нааматов атындагы НМУнун Агроэкономикалык колледжи, Нарын ш.;

6. Кара-Балта техникалык-экономикалык колледж, Кара-Балта ш.;

7. Индустриалдык-педагогикалык колледж, Балыкчы ш.;

8. ОшМУнун Индустриалдык-педагогикалык колледжи, Ош ш.

КР БИМде акыркы убакта өлкөдө орто кесиптик билим берүүгө кызыгуунун өсүүсүн белгилешүүдө, ал 2-3 жылдын ичинде 9 же 11-класстын базасында көрсөтүлүүчү 130 адистиктин ичинен каалаганга ээ болууга жана ишке орношууга мүмкүндүк берет. Кошумча артчыкчылык болуп негизги кесиптен тышкары чектеш кесиптерге да окуу мүмкүнчүлүгү саналат.

Бардык берүүлөр КР БИМдин сайтында https://edu.gov.kg/kg жана http://pto.kg/?lang=kg/ сайтында жеткиликтүү болот.

Нет описания.