Бишкек, 17.04.19. /Кабар/. Кыргызстандын "Дордой" футбол клубу Азия футбол конфедерация (АФК) Кубогунун тайпалык баскычындагы экинчи оюнунда тажикстандык "Хужандка" утулуп калды. Бул тууралуу Кыргызстандын Футбол федерациясы билдирди.
Тажикстандын Хужанд шаарындагы Көз карандысыздыктын 20-жылы стадионунда болуп өткөн оюн 3:1 эсеби менен жыйынтыкталган.
Учурда, биринчи оюнунда түркмөнстандык "Алтын Асыр" менен ойноп, 1:1 эсебинде тең чыккан "Дордой" клубунда 1 упай бар.
Ал эми, "Дордойду" жеңген "Хужанд" 3 упайга ээ болду. Бул команда биринчи беттешинде жеңилип, упай ала алган эмес.
Эми, "Дордой" 1-майда боло турган кийинки беттешинде тажикстандык "Истиклол" клубу менен ойнойт.
Белгилей кетсек, АФК Кубогу – Азиядагы даражасы боюнча экинчи орунда турган клубдук турнир.
Пикир
Оставить комментарий