Айпери Медет кызы Күрөш боюнча дүйнө биринчилигинде (U-23) коло байгелүү болду

Бишкек, 01.11.19. /Кабар/. Венгриянын Будапешт шаарында өтүп жаткан күрөш боюнча дүйнө биринчилигинде (U-23) кыргызстандык балбан Айпери Медет кызы коло жеңип алды. Бул тууралуу United World Wrestling уюмунун расмий сайтында айтылат.

76 килограмм салмакта күрөшкөн кыргызстандык балбан кыз коло үчүн болгон кармашта монголиялык Ариунжаргал Ганбат менен күрөшүп, атаандашын 12:8 эсебинде жеңип алган.