Айсулуу Тыныбекова менен Назира Марсбек кызы Түркиядагы мелдеште алтын байгелүү болду

Бишкек, 13.01.20. /Кабар/. Кыргызстандык балбан кыздар Түркияда өткөн "Yasar Dogu-2020" мелдешинде 2 алтын жана 1 коло байгелүү болушту.

Мелдеш Стамбул шаарында 10-12-январь күндөрү болуп өткөн.

Мелдеште Айсулуу Тыныбекова (62 кг) менен Назира Марсбек кызы (59 кг) алтын утуп алса, Айпери Медет кызы (76 кг) коло байгеге татыган.