Ак-Суу районунда 81,4 млн сомго бала бакча курулат

Бишкек, 08.01.25. /Кабар/. Ысык-Көл облусунун Ак-Суу районундагы Советское айылына бала бакча курууга тендер жарыяланды.

Мамлекеттик сатып алуулар порталында маалымдалгандай, тендерди Мамкурулушка караштуу Турак жай-жарандык курулуш департаментинин облустук капиталдык курулуш башкармалыгы жарыялаган.

Тендердин пландалган суммасы 81 млн 409 миң 282 сомду түзөт, табыштамаларды 22-январга чейин берүү зарыл.

Бала бакча 100 орунга ылайыкталган.