Бишкек, 10.01.22. /Кабар/. Ак-Сууда турак үйдөн өрт чыкты. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, Ысык-Көл облусунун Ак-Суу районундагы Качыбек айылында жыгач устундуу тунуке менен жабылган турак үйдүн 132 чарчы метр чатыры, жайкы ашкананын 44 чарчы метр чатыры жана ички жасалгасы күйдү.
Өрттү өчүрүүгө жерине 2 бөлүм тартылып, 03:00дө өрт чектөөгө алынып, 05:20да толук өчүрүлдү.
Өрт электр зымдарынын кыска чыңалуусунан келип чыккан.
Жабыркагандар жок.
Пикир
Оставить комментарий