Бишкек, 22.11.23. /Кабар/. Нарын облусуна караштуу Ак-Талаа жана Жумгал районундагы маданий мекемелер оңдолууда. Бул тууралуу Маданият, маалымат, спорт жана жаштар саясаты министрлигинин басма сөз кызматынан билдиришти.
Ведомствонун билдирүүсунө караганда, Ак-Талаа райондук Кайыпбек Султангазиев атындагы маданият үйүнүн бир бөлүгүнүн сырты жылууланып, көрктөндүрүлдү. Ошондой эле имараттын эшик жана терезелери алмаштырылып, чатыры жабылды. Маданият министрлиги тарабынан бул максаттарга 2 млн 200 миң сом бөлүнгөн.
Андан тышкары, Жумгал райондук маданият бөлүмүнүн жылуулук системасы орнотулууда. Учурда электромонтаждоо, айланасын тосуу жана башка иштер аткарылууда. Ремонтко 200 миң сом бөлүнгөн.
Пикир
Оставить комментарий