Бишкек, 29.10.20. /Кабар/. Өлкөнүн аксакалдар кеңеши парламентти таркатууну жана конституциялык реформаны жүргүзүүнү талап кылууда. Бул тууралуу аксакалдар кеңешинин төрагасы Бердибек Жумабаев билдирди.
Анын айтымында, бүгүнкү курултайдын максаты – 5-6-октябрдагы окуялардан кийин өлкөдөгү абалды турукташтыруу үчүн ал окуялар эмне себептен болгонун элге түшүндүрүү.
"Иш-чарага катышуу үчүн өлкөнүн бардык региондорунан аксакалдарды, активисттерди, элдик кыймылдардын, уюмдардын өкүлдөрүн чакырдык. Курултайга президенттин милдетин аткаруучу Садыр Жапаровдун өкүлү катышууда. Жыйындын соңунда резолюция кабыл алынат", - дейт ал.
Жумабаев кыргыз коомунун жаңы барагын ачып жатканын белгиледи.
Пикир
Оставить комментарий