Ош, 09.08.18. /Кабар/. Жалал-Абад облусунун Аксы районунда 5 миң гектарга жакын жерди сугара ала турган “Ак-Терек” сугат каналы курулууда.
Каналдын узундугу 7,4 чакырым, анын 2 чакырымын туннель аркылуу өткөрүшөт. Ал 2022-жылы колдонууга берилери күтүлүүдө.
Каналдын курулушу президент Сооронбай Жээнбековдун демилгеси менен, ал премьер-министрлик кызматта турган мезгилде башталган.
Белгилүү болгондой, дарыянын нугу Падыша-Ата коругунан башталат. 5 чакырымдан кийин дарыя Өзбекстан тарапка кетет. Жергиликтүү дыйкандар каналдын жоктугунан сугат иштери үчүн жетиштүү сууга ээ боло албай келишет.
Пикир
Оставить комментарий