Бишкек, 14.11.21./Кабар/. Кыргыз Республикасынын министрлер кабинетинин башчысы Акылбек Жапаров Ысык-Көл облусуна жумушчу сапарынын алкагында «Балыкчы - Каракол» жолунун курулушунун жүрүшү менен таанышты. Бул тууралуу министрлер кабинетинин маалымат кызматы билдирет.
Атап айтканда, ал узундугу 141 км саналган «Балыкчы - Барскоон» унаа жолунун тилкесин барып көрдү.
Бүгүнкү күндө мында 0-25 км чейин курулуш иштери жүрүүдө.
Жер үстүндөгү иштер 90% бүткөрүлүп, жасалма курулуштарды (көпүрө, түтүктөр) куруу иштери жүрүп жатат.
Иш аяктагандан кийин жолдун бул бөлүгү 4 тилкелүү эл аралык маанидеги жолго айланаары күтүлүүдө.
Пикир
Оставить комментарий