Бишкек, 11.02.21. /Кабар/. Мектеп окуучулары арасында альтернативдүү олимпиаданын II этабы 13-февралда башталат. Бул тууралуу Билим берүү жана илим министрлигинин басма сөз кызматы билдирет.
Маалыматка ылайык, 2021- жылдын январь айында математика, физика, химия, биология жана информатика боюнча альтернативдүү олимпиаданын I этабы онлайн режиминде өткөн.
Альтернативдүү олимпиаданын II этабы төмөнкү графикке ылайык өтөт:
- физика – 2021-жылдын 13-14- февралында;
- информатика жана биология – 2021-жылдын 20-21-февралында;
- математика жана химия – 2021-жылдын 27-28-февралында.
Белгилей кетсек, альтернативдүү олимпиада КР “Билим берүү жөнүндөгү” мыйзамынын алкагында зээндүү мектеп окуучуларын табуу, алардын билимдерин өркүндөтүү, чыгармачылык жөндөмдүүлүктөрүн илимий-изилдөө ишине карата кызыкчылыктарын өнүктүрүү жана математика, физика, химия, биология жана информатика предметтери боюнча Эл аралык олимпиадаларга катышуу үчүн Кыргыз Республикасынын командасын түзүү жана даярдоо максатында өткөрүлүүдө.
Пикир
Оставить комментарий