Бишкек, 25.12.24. /Кабар/. Ала-Арча жана Аламүдүн дарыяларынын нуктарын тазалоо иштери уланууда. Бул тууралуу Бишкек мэриясынан билдиришти.
Маалыматка ылайык, "Бишкек жашыл чарба" ишканасы тарабынан Ала-Арча дарыясынын нугун тазалоо иштери 10-сентябрда, ал эми Аламүдүн дарыясын тазалоо 13-ноябрда башталган. Мындан тышкары, 30-октябрда Чоң Чүй каналынын нугун тазалоо иштери башталып, 10-ноябрда аяктаган.
Ала-Арча дарыясында жалпы узундугу 15 миң метр жер кол менен тазаланып, 3 миң метринде механикалык тазалоо иштери жүргүзүлгөн.
Ал эми Аламүдүн дарыясынын узундугу 1 миң 100 метр болгон жери кол менен тазаланып, 950 метринде механикалык тазалоо жүргүзүлгөн.
Белгилей кетсек, дарыялардагы механикалык тазалоо иштери экосистеманы олуттуу түрдө жакшыртып, жамгырлуу мезгилде суу каптоо коркунучун азайтат.
Пикир
Оставить комментарий