Ала-Тоо аянтында Ulukmanapo баштаган ырчылар Айыл Банк менен Visa’нын кечесин шаңга бөлөштү

Бишкек, 30.12.24. /Кабар/. 29-декабрда Visa Gold картынын презентациясына арналган майрам өттү.

Кеченин башкы жылдыздары Ulukmanapo, Jax 02.14, Freeman 996, Кайрат Примбердиев, Элера жана Бегимай Турусбековалар талантын тартуулап, барабанчылар шоу көрсөттү. Мукам үндүү ырчылар аянтка келген конокторду жаңы жылдык сыйкырга бөлөдү.

Концерттин шаңын утурлай ар кандай оюндар ойнотулуп, Айыл Банктын эксклюзивдүү белектери тапшырылды.

Келген коноктор үчүн өзгөчө белек — аянтта Visa Gold картын ачуу мүмкүнчүлүгү болду. Көпчүлүк шаар тургундары жаңы продукттун ыңгайлуулугун жана артыкчылыктарын баалап, бул мүмкүнчүлүктөн кубануу менен пайдаланышты.

Айыл Банк бул сыйкырдуу кечте бирге болгон кыргызстандыктарга терең ыраазычылык билдирет. Жаңы жыл сиздерге кубаныч, ийгилик жана жаңы жетишкендиктерди алып келсин!