Бишкек, 4-июль /Кабар/. Аламүдүн районундагы БЧК суусуна эркек киши чөгүп кеткендигин ӨКМ басма сөз кызматы билдирди. Кырсык кечээ саат 13:50 чамасында Дача айылында болгон. Издөө иштерине 6 куткаруучу тартылган. Бир сааттан соң куткаруучулар кишинин сөөгүн табып, милиция кызматкерлерине өткөрүп берген.
Мындан тышкары куткаруучулар 2-июлда БЧК суусуна чөгүп кеткен 15 жаштагы баланын денесин издеп жатышат. Маалымдалгандай, издөө иштери Ысык-Ата районундагы Ново-Покровкадан Сары-Жонго чейин изделүүдө.
Ош шаарында 3-июлда саат 08:56 чамасында ӨКМге Масалиев көчөсүндө унаа каналдагы сууга түшүп, айдоочусу унаадан чыга албай жатканы кабарланган. Куткаруучулар айтылган дарекке барганда эч нерсе табышкан эмес. Чакыруу жалган болуп чыккан.
Пикир
Оставить комментарий