Бишкек, 07.12.17 /Кабар/. Алматыда укук коргоочулар жыныстык зордук-зомбулуктун курмандыгы болгон аял тууралуу “Лазат – тагдырымдын бергенин кабыл алам” деп аталган китепти тааныштырышты. Китептин авторлору –казакстандык Лазат Ракишева жана украиналык жазуучу Ирина Агапеева.
Иш-чаранын уюштуруучусу “НеМолчи.kz” кыймылынын жетекчиси Дина Смаилова китепте секелек кезинде эле сексуалдык зомбулукка кабылган Казакстандын чыгышындагы аял тууралуу баяндаларын билдирди.
“30 жашка чейин бул аял бир дарманын артынан экинчисин башынан өткөрүп, бирок башын төмөн түшүргөн эмес. Мынча сыноолордон кийин мүңкүрөбөй, кантип бактылуу жана ийгиликтүү болуш керектигин ушул китепти окугандан кийин билсе болот”, —деди ал.
Китеп бир нече тилде басылып чыгат. Сатыктан түшкөн акчаны зомбулуктун курмандыктарын колдоого жумшоо пландалууда.
Иш-чарада активисттер “#НеМолчиДетиKZ” коомдук кыймылын түзүп, балдар зомбулугуна каршы күрөшүү зарылдыгын белгилешти.
Пикир
Оставить комментарий