• 89.12
  • 95.1
  • 0.95

Алтынбек Максутов БУУӨПтүн Кыргызстандагы туруктуу өкүлү менен жолукту

Коом 0

Бишкек, 03.04.24. /Кабар/. Бүгүн маданият, маалымат, спорт жана жаштар саясаты министри Алтынбек Максутов Бириккен Улуттар Уюмунун Өнүктүрүү программасынын (БУУӨП) Кыргызстандагы туруктуу өкүлү Александра Соловьева менен жолукту. Бул тууралуу ведомствонун басма сөз кызматынан кабарлашты.

Алтынбек Максутов министрлик тарабынан алтыдан ашык негизги багыттарды камтыган мамлекеттик саясатты, анын ичинде элдердин ынтымагын жана биримдигин стратегиялык чыңдоону, "Кыргыз жараны" жарандык иденттүүлүгүн калыптандырууну, ошондой эле этностор аралык чыр-чатактарды эртелеп алдын алуу жана алдын алуу системасынын элементтерин жакшыртуу боюнча саясатты ишке ашыруу менен өз ишмердүүлүгүнө көп кырдуу мамиле жасалып жатканын белгиледи.

Ошондой эле ал бул багыттагы иш боюнча мультимедиялык форматка өтүү пландары тууралуу, тактап айтканда, маданий баалуулуктарды жайылтуу жана жарандык иденттүүлүктү бекемдөө үчүн "Кыргыз жараны" жөнүндө аң-сезимдүү түшүнүктү калыптандырууга багытталган видеороликтерди, фильмдерди жана спектаклдерди жаратууга өтүү боюнча айтып берди.

Өз кезегинде Александра Соловьева жылуу кабыл алуу үчүн ыраазычылык билдирип, Кыргызстандагы ББУӨПтүн ишмердүүлүгү менен тааныштырып, ишке ашырылган долбоорлорду жана ар түрдүү тармактарда кызматташууну өнүктүрүү келечегин белгиледи.

Тараптар жолугушуу үчүн бири-бирине ыраазычылык билдирип, мындан аркы жемиштүү кызматташууга даяр экендиктерин билдиришти.

Пикир

Оставить комментарий