Бишкек, 15.08.18. /Кабар/. Ашхабадда эркек сулуулук салондоруна жана чач тарачтарына кардарлардын чачын боёого жана башка ар түрдү сүрөттөрдү тартууга тыюу салынды.
Сулуулук салондорунун бирине шаардык прокуратура кызматкерлери келип, эркектердин чачын боёоого жана башка ар түрдү сүрөт тартууга тыюу салып кетишкен. Салондун жетекчиси болсо прокуратурага чакырылган.
Бир жылдан бери түркмөн борбор калаасында жергиликтүү эркектер арасында чач боёо кеңири тароодо. Маалыматтарга караганда, ага чейин чет өлкөлүк компаниялардын, соода жана дипломатиялык өкүлчүлүктөрдүн кызматкерлери, бодибилдинг машыктыруучулары, диджейлер жана музыканттар гана чачтарын боёп келишкен.
Бул арада бийлик түркмөн эркектеринин чачын боёого тыюу салганын расмий түрдө жарыялаган жок.
Быйыл апрелде Түркмөнстанда чачтарды ачык түскө боёого жана өлкөгө чач боёекторду алып кирүүгө чектөө киргизилген.
Пикир
Оставить комментарий