Бишкек, 13.11.24. /Кабар/. Бүгүн өлкөнүн ашуулары менен жолдорунда унаа кыймылына чектөө жок, каттам бар.
Транспорт жана коммуникациялар министрлигинен билдиришкендей, учурда жол тейлөө ишканаларынын кызматкерлери өздөрүнө бөлүнгөн аймакты толук көзөмөлдөп жатат.
Барскоон - Ак-Шыйрак унаа жолундагы Сөөк ашуусунда, Бишкек - Ош унаа жолунда, Боом капчыгайында, Мырзаке - Кара-Кулжа - Алайкуу жолунда, Бишкек - Нарын - Торугарт унаа жолунун Долон, Ак-Бейит, Түз-Бел, Кубакы ашуулары жана Өтмөк, Ала-Бел, Төө-Ашуу менен башка жолдордо каттам бар.
Ош - Сары-Таш - Эркечтам унаа жолунун Талдык, Тоң-Мурун ашууларында жол ачык. Жолдорду тазалоо, инерттик материалдарды чачуу иштери үзгүлтүксүз жүргүзүлүүдө.
Министрлик айдоочуларды каршы тилкеге чыкпай, жол эрежесин так сактоого жана унаа дөңгөлөктөрүн кышкыга алмаштырып алууга чакырат.
Пикир
Оставить комментарий