Бишкек, 20.10.17 /Кабар/. Астана Молдова жарандары жана алардын компаниялары берген доо арыздын негизинде Казакстандын каржыларынын камакка алынуусуна каршы чыкты. Буга чейин ММКларда Нидерланды соту Голландиядагы компаниянын башкаруусундагы Казакстан Улуттук фондунун каражаттарын камакка алууга уруксат бергенин кабарлашкан.
Анын ичинде ондогон швед компанияларындагы Казакстан өкмөтүнүн акцияларына бөгөт коюлганы маалымдалган. Казакстан Юстиция министрлиги акыркы төрт жылдан бери Молдова жараны Анатол Стати, анын уулу Габриэл Стати жана эки компаниясы менен соттошууда. Алар казак тараптан төрт миллиард доллардан ашуун акча талап кылышууда.
Стокгольмдогу арызды караган арбитраждык сот 2013-жылы молдовалык жарандарга 500 миллион АКШ доллар берүү бүтүмүн чыгарган. Казакстан чечимди жокко чыгаруу өтүнүчү менен апелляциялык сотко кайрылган.
Кийинчерээк Казакстан Юстиция министрлиги Статинин көп жылдар бою Казакстандагы ири алдамчылык схемага катышып жүргөнүн далилдеген материалдар түшкөнүн билдирген. Ага ылайык, Стати алдамчылык жол менен Казакстандагы газды кайра иштетүүчү заводго курулуш материалдарын жогору баада жеткирип турган.
2016-жылы декабрда апелляциялык сот арбитраждык чечимди күчүндө калтырган. Казакстан бийлиги Швециянын Жогорку сотуна кайрылган.
Казакстан 5-октябрда “алдамчылык фактыларынын” негизинде АКШнын федералдык сотунда Статиге каршы соттук жараян баштоону демилгелеп, чыгымдарды кайтарууну талап кылган.
Булагы: CENTRAL ASIAN
Пикир
Оставить комментарий