Бишкек, 17.01.23. /Кабар/. Бүгүн, 17-январдан тарта Нарын облусунун Ат-Башы районундагы мектептер окутуунун онлайн форматына которулду. Бул тууралуу Билим берүү жана илим министрлигинин басма сөз кызматы билдирди.
Мындай чечим өлкөдөгү катуу сууктан улам кабыл алынган. Ат-Башы районунда жалпы 21 мектеп бар.
“Учурда райондук мамлекеттик администрация менен бала бакчалардын иши боюнча сүйлөшүүлөр жүрүүдө”, - деп айтылат маалыматта.
Эскерте кетсек, мындан тышкары, Жалал-Абаддын Майлуу-Суу шаарында өзгөчө кырдаал режими киргизилгендигине байланыштуу бардык мектептер аралыктан билим берүүгө которулган.
Пикир
Оставить комментарий