Бишкек, 10.07.23. /Кабар/. Нарын облусунун Ат-Башы районунда 21 жаштагы Э уулу А., аттуу жигит изделүүдө. Бул тууралуу ӨКМден билдиришти.
Маалыматка ылайык, ал ушул жылдын 7-июлунда Ак-Сай өрөөнүнө кеткен. Аты Ача тилкесинен табылып, өзү дайынсыз болууда.
Учурда куткаруучулар аны Көк-Күмбөз, Ача тилкелеринен агып өткөн Ат-Башы дарыясынан издеп жатышат.
Жоголгон адамды издөөгө Ат-Башы райондук ӨК бөлүмүнүн башчысы жетектеген 3 куткаруучу жана Ат-Башы РИИБнен 8 кызматкер чыгып кетишкен.
Издөө иштеринен кошумча маалымат берилет.
Пикир
Оставить комментарий