Бүгүн Бишкектин 3 конушунда таза суу убактылуу өчүрүлөт

Бишкек, 09.03.21. /Кабар/. Бүгүн, 9-мартта "Энесай" суу кампасындагы оңдоп-түзөө иштерине байланыштуу борбор калаанын 3 конушунда ичүүчү таза суу убактылуу өчүрүлөт. Бул тууралуу шаардык мэриянын маалымат кызматы билдирди.

Суу саат 09:00дөн 15:00гө чейин шаардагы "Энесай", "Дордой-1" жана "Дордой-2" конуштарында, ошондой эле:

• №21 муниципалдык аймактык башкарууда;
• №2, 2а, 4 бала бакчаларында;
• №9 үй-бүлөлүк медицина борборунда;
• №20 китепканада;
• №6, №7 милиция бөлүмдөрүндө;
• "КУТ МонтажСтрой" ЖЧКсында
• "Ак-Илбирс" компаниясында;
• "Бегимай-Дордой" жеке бала бакчасында;
• Свердлов райондук коомдук-профилактикалык борборунда;
• "Дордой" №32в базарында таза суу өчүрүлөт.