Бүгүн Путин он төртүнчү жолу чоң маалымат жыйынын өткөрөт

Бишкек, 20.12.18. /Кабар/. Россиянын президенти Владимир Путин салтка айланган ар жылкы чоң маалымат жыйынын өткөрөт.

Бул жыйын жыл жыйынтыктоочу болуп саналат. Басма сөз жыйынга катышууга 1 миң 700дөн ашуун ЖМК өкүлдөрү жазылган. Жыйын канча убакытка созулаары азырынча белгисиз.

Бул анын мамлекет башчысы катары берген он төртүнчү маалымат жыйыны болмокчу. Ал эми жаңы президенттик мөөнөтүндө биринчиси.

Маалымат жыйынды “Россия 1”, “Россия 24”, “Биринчи канал” каналдары жана “Маяк”, “Вести ФМ” жана “Радио России” радиолору түз алып көрсөтөт.

Журналисттер менен баарлашуу Эл аралык соода борборунда өтөт.