Бишкек, 30.05.23. /Кабар/. Бишкекте кыргыз күрөшү боюнча республикалык мелдеш өтөт. Байге фонду 1 млн сом. Бул тууралуу Дене тарбия жана спорт департаментинен билдиришти.
Дүйнө чемпиону Жанболот Осмоновдун жаркын элесине арналган мелдеш үстүбүздөгү жылдын 3-июнунда Бишкектеги "Газпром балдарга" ден соолукту чыңдоо борборунда өтөт.
Мелдешке республиканын бардык аймактарынан келген спортчулар катышат. Жеңүүчүлөргө тиешелүү даражадагы диплом, медаль жана акчалай сыйлыктар тапшырылат.
Катышуучулар 62, 75, 85, +85 кг жана 75 кг салмакка чейинки абсолюттук салмакта күч сынашат.
Пикир
Оставить комментарий