“Бакубат – Талас” көк бөрү боюнча турнирде жеңишке жетти

Бишкек, 28.04.18. /Кабар/. Бишкек шаарынын 140 жылдыгына арналган көк бөрү боюнча турнирде Талас облусунун курамасы жеңишке жетти. Финалдык беттештин жыйынтыгы боюнча “Бакубат-Талас” 6:3 эсебинде "Сары-Өзөн Рассвет” командасын уткан.

Ошентип, Таластын спортчулары мелдештин баш байгеси болгон – унааны утуп алышты. Күмүш медаль ээсине – 100 миң сом бөлүндү.

Эске сала кетсек, үчүнчү орунду “Көлдүк” курамасы алып, 75 миң сом ыйгарылды. 4-орунда “Арашан Бишкек” – 50 миң сом.

Андан сырткары мыктылар сыйланды:

Мыкты аргымак – Капрал;

Мыкты оюнчу - Жыргал Абдылдаев (“Көлдүк”);

Мыкты чабуулчу - Майрамбек Рыспеков.

Ар бирине 5 миң сом түрүндө акчалай сыйлык ыйгарылды.

Белгилей кетсек, көк бөрү боюнча турнир 12 кураманын катышуусунда 22-апрелде башталган.