Бишкектеги бала бакчалар билим берүүнүн сапатын жогорулатуунун үстүндө иштейт

Бишкек, 28.03.22. /Кабар/. Бишкек шаарындагы бала бакчалардын директорлору үчүн тегерек стол өткөрүлдү. Бул тууралуу муниципалитеттин басма сөз кызматы билдирет.

Маалыматка ылайык, жолугушуунун жүрүшүндө мектепке чейинки билим берүү мекемелеринде көп тилдүү билим берүү, ошондой эле бала бакчаларда STEAM билим берүүнү киргизүү жана өнүктүрүү маселелери талкууланды.

Маселелерди кароонун жыйынтыгы боюнча токтом кабыл алынып, төмөндөгүлөр сунушталды:

• Бишкек шаарындагы бардык мектепке чейинки билим берүү мекемелеринде эки же андан көп тилди колдонуу менен көп тилдүү билим берүү программасын ишке ашыруу;

• Мектепке чейинки билим берүү мекемесинин ишинин натыйжалары Кыргыз Республикасынын «Мектепке чейинки билим берүү жана балдарды багуу» мамлекеттик билим берүү стандартынын талаптарына шайкеш келишин камсыз кылуу.