Бишкек, 29.04.24. /Кабар/. Бала-Саруу гидро электр станциясынын (ГЭС) Киров суу сактагычына курулуп жаткан үч агрегаты 17-майда ишке берилет. Бул тууралуу "Кабар" агенттигине энергетика министри Таалайбек Ибраев билдирди.
Ал белгилегендей, Бала-Саруу ГЭСи Киров суу сактагычындагы гидроэнергетикалык ресурстарды максималдуу натыйжалуу пайдаланууга мүмкүндүк берет. Анткени, ГЭС суу сактагыч курулгандан бери колдонулбай келген.
Белгилей кетсек, Бала-Саруу ГЭСи жалпы кубаттуулугу 25 МВт кубаттуулуктагы үч агрегаттан турат. Анын орточо жылдык электр энергиясын иштеп чыгуусу 92 млн кВт саатты түзөт.
Пикир
Оставить комментарий