Бишкек, 17.04.19. /Адил Төлөгөнов - Кабар/. Чемпиондор лигасынын чейрек финалынын жооптук беттешинде испаниялык “Барселона” клубу “Манчестер Юнайтед” командасы менен оюн өткөрдү. “Барселона” 3:0 эсебинде жеңишти камсыздады.
1-таймдын 16-мүнөтүндө Леонель Месси коргоочуларды алдап туруп тепкен тобу эсепти ачты. Оюндун 20-мүнөтүндө кайрадан Мессинин тепкен тобун кызылдардын дарбазачысы Де Хеа катачылыкка жол берип, гол киргизип алды.
2-таймдын 61-мүнөтүндө чабуулчу Коутиньонун узактан соккон соккусу каршылашынын дарбазасынан орун алды.
Алгачкы оюнунда “Барселона” 1:0 эсебинде алдыга оозуп чыккан.
Белгилей кетсек, эртең, 18-апрелде “Тотенхэм” клубу “Манчестер Сити” менен оюн өткөрсө, “Ливерпуль” “Порту” командасы менен беттешет.
Пикир
Оставить комментарий