Бишкек, 16.06.22. /Кабар/. Башкы прокурор Курманкул Зулушев өз милдетин аткарууга киришти. Бул тууралуу президенттин басма сөз кызматынан билдиришти.
Маалыматка ылайык, тиешелүү тескемеге президент Садыр Жапаров кол койду.
"Кыргыз Республикасынын Конституциясынын 66, 71-беренелеринин негизинде башкы прокурор Зулушев Курманкул Токторалыевич үстүбүздөгү жылдын 16-июнунан тарта өзүнүн кызматтык милдетин аткарууга киришти", - деп айтылат президенттин басма сөз кызматы тараткан маалыматта.
Ошондой эле, аталган тескеме менен мамлекет башчысынын 2022-жылдын 3-июнундагы тескемесинин 2-пункту күчүн жоготту деп табылды.
Эске сала кетсек, Курманкул Зулушев үстүбүздөгү жылдын 4-июнунда кызматынан убактылуу четтетилген.
Пикир
Оставить комментарий