Бишкек, 03.06.23. /Кабар/. Баткен районунун Ак-Татыр айылында кыргыз-тажик чек арасындагы куралдуу жаңжалда баатырларча курман болгон прапорщик Нургазы Мамытовдун жаркын элесине арналган футболдук мелдеш өтүүдө. Бул тууралуу "Кабар" агенттигине президенттин Баткен облусундагы өкүлчүлүгүнөн билдиришти.
Иш-чаранын башында прапорщиктин элесине арналып Куран окулду. Андан соң спорттук оюнга старт берилди. Мелдешке район аймагынан чогулган 24 команда катышууда.
Иш-чарага облус башчысы Абдикарим Алимбаев баштаган жергиликтүү жетекчилер, Нургазы Мамытовдун үй-бүлөсү, жакындары, достору, айылдаштары катышууда.
Облус башчысы өз сөзүндө баатырдын эрдиги элинин эсинде түбөлүк сакталарын белгилеп, мекендин бүтүндүгүн коргогон эр азаматты тарбиялаган ата-энесине ыраазычылык билдирди.
Белгилей кетсек, маркум Нургазы Мамытов өмүрүнүн акыркы жети жылында Орто-Боз чек ара заставасында кызмат өтөгөн. Ал 2022-жылы сентябрдагы кыргыз-тажик чек арасындагы куралдуу жаңжалда,35 жашында баатырларча курман болгон. Артында 4 кызы калган.
Нургазы Мамытовдун ысымы Ак-Татыр айылындагы көчөгө ыйгарылган.
Пикир
Оставить комментарий